• İSİM-də “21 sentyabr - Beynəlxalq Sülh Günü”nə həsr edilmiş tədbir keçirildi
  • “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

19 MART 2010

İSİM-də “Tütünlə mübarizə yolları” mövzusunda praktiki təlim keçirildi

18-19 Mart 2010-cu il tarixlərində İSİM-də Blumberq Təşəbbüsü Fondu tərəfindən maliyyələşdirilən “Azərbaycanda Tütünlə Mübarizə üzrə Milli Strategiyanın Hazırlanması” layihəsi çərçivəsində “Tütünlə mübarizə yolları” mövzusunda praktiki təlim keçirildi.

2 gün sürən treninq zamanı tütün epidemiyasından, onun insan sağlamlığına vurduğu zərərlərdən, beynəlxalq təşkilatların bu barədə verdiyi statistik məlumatlardan, problemdən çıxış yolları və bu sahədə dünya ölkələrinin təcrübəsindən danışıldı.

İştirakçılara “Tütünə qarşı mübarizə haqqında” ÜST-nin Çərçivə Konvensiyasına qoşulmaq barəsində Azərbaycan Respublikasının Qanunun və Tütünə qarşı mübarizə haqqında ÜST-nin Çərçivə Konvensiyasının mətni, həmçinin İctimai Səhiyyə və İslahatlar Mərkəzi tərəfindən hazırlanmış tütünçəkmədən imtinaya səsləyən bukletləri paylandı.

Tədbirin 2-ci günündə seminar iştirakçıları 2 qrupa bölünərək, praktiki tapşırıqları yerinə yetirdilər. Praktiki məşğələ ictimai vəkillik, advokasiya, lobbiçilik işinin təşkili, planlaşdırılması və həyata keçirilməsinin iştirakçılar tərəfindən mənimsənilməsi məqsədini daşıyırdı.

Sonda iştirakçılara sertifikatlar təqdim edildi.

İSİM-də bu mövzuda sayca ikinci treninq Azərbaycan Səhiyyə Kommunikasiyası Assosiasiyasının nümayəndəsi Gülnarə Axundova tərəfindən aparılırdı.