• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

7 MAY 2018

“Sağlam həyat tərzi və qeyri-infeksion xəstəliklərin profilaktikası” mövzususunda tədbir Sumqayıtda tələbələr tərəfindən maraqla qarşılandı

Səhiyyə Nazirliyinin İctimai Səhiyyə və İslahatlar Mərkəzinin (İSİM) dəstəyi, Azərbaycan Respublikasının Ailə, Qadın və Uşaq Problemləri üzrə Dövlət Komitəsinin təşəbbüsü ilə orta ixtisas təhsil müəssisələrində keçirilən tədbirlər davam etdirilir.

Növbəti tədbir 4 may 2018-ci il tarixdə Sumqayıt Dövlət Universiteti nəzdində Sumqayıt Dövlət Texniki Kollecində baş tutdu.

İSİM-in həkim-metodisti Lətafət Dadaşova “Sağlam həyat tərzi və qeyri-infeksion xəstəliklərin  profilaktikası” mövzusunda tələbələr qarşısında geniş təqdimatla çıxış edərək, qeyri-infeksion xəstəliklər qrupuna daxil olan dörd  əsas patologiya: ürək-damar xəstəlikləri, onkoloji xəstəliklər, xroniki obstruktiv ağciyər xəstəlikləri və şəkərli diabet barədə tələbələrə məlumat verdi. 

O, gənclərə səslənərək bildirdi ki, sağlamlığı qorumaq üçün erkən yaşlardan aktiv həyat tərzi keçirmək, bədən tərbiyəsi və idmanla məşğul olmaq, şəxsi gigiyena normalarına riayət etmək, alkoqol, siqaret və narkotiklərdən uzaq durmaq, düzgün qidalanmaq lazımdır. 

Azərbaycanda 13-15 yaşda yeniyetmələrin tütündən istifadəsinin statistikası və fəsadlarını diqqətə çatdıran L.Dadaşova bildirdi ki, siqaretin tərkibində xərçəng xəstəliyinə səbəb olan zərərli qazlar, kimyəvi maddələr və təhlükəli metallar mövcuddur.

Fiziki aktivliyin önəmindən danışan natiq, mütəmadi hərəkətlərin qeyri-infeksion xəstəliklərin yaranma riskini azaltdığını, oynaqlar, əzələ və sümükləri möhkəmləndirdiyini, bədəni depressiya, qorxu və stressdən qoruduğunu qeyd etdi.

Tədbirin sonunda L.Dadaşova gənclərə sağlam həyat tərzi ilə bağlı məsləhətlər verdi, onları maraqlandıran sualları cavablandırdı və İSİM tərəfindən hazırlanmış “Sağlam həyat tərzi və qeyri-infeksion xəstəliklərin  profilaktikası” mövzusunda məlumatlandırıcı kitabçalar və bukletlərlə tələbələri tanış etdi.