• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

26 APREL 2018

Şagirdlərə gigiyena qaydaları barədə məlumat verildi

26 aprel 2018-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) ilə Azərbaycan Respublikasının Prezidenti yanında Bilik Fondunun birgə təşkil etdiyi "Təmizlik - sağlamlıqdır" mövzusunda mühazirə keçirildi.

Yasamal rayonu 53 №-li tam orta məktəbdə təşkil olunan tədbirdə İSİM-in mütəxəssisi Zümrüd Kazımova geniş təqdimatla çıxış edərək, iştirakçılara gigiyena qaydaları barədə ətraflı məlumat verdi. Gigiyena qaydalarına riayət etməyin insanın sağlamlığında mühüm rol oynadığını vurğulayan mütəxəssis bildirdi ki, təmizlik orqanizmin mikroblara qarşı yüksək müqavimətə sahib olması üçün başlıca şərtdir. Məktəblilərə diqqətli olmağı və şəxsi gigiyena qaydalarına riayət etməyi tövsiyə edən Z. Kazımova onları saçlara, dəriyə, üzə, dişlərə, qulaqlara, dırnaqlara, ayaqlara, eləcə də paltar və ayaqqabılara qulluqla bağlı məlumatlandırdı.  Əllərin  düzgün yuyulma qaydalarını izah edən mütəxəssis iştirakçıların diqqətinə çatdırdı ki, əlləri sabunla yuduqda tənəffüs yollarının yoluxucu infeksiyaların 23% azalır. 

Tədbirin sonunda şagirdlərə İSİM tərəfindən hazırlanan bukletlər təqdim olundu və mövzu ətrafında geniş fikir mübadiləsi aparıldı.