• İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq

XƏBƏRLƏR bütün xəbərlər

3 APREL 2018

Regionlarda tibbi müayinələr davam edir

Azərbaycan Prezidentinin tapşırığına əsasən, Səhiyyə Nazirliyinin təşkilatçılığı ilə bu il fevralın 12-dən başlayaraq respublika əhalisinin tibbi müayinədən keçirilməsi tədbirləri paytaxtla yanaşı, regionlarda da uğurla davam edir. Müayinələrin keçirilməsi üçün səhiyyə müəssisələri tərəfindən bütün lazımi şərait yaradılıb. Bölgələrdə əhalinin tibbi müayinələrdən keçməsini təmin etmək məqsədi ilə paytaxt xəstəxanalarında çalışan yüksək ixtisaslı həkim briqadaları rayonlara gedərək yerlərdə əhaliyə tibbi xidmət göstərir.  

Tibbi müayinələrin səmərəli aparılması, əhalinin  məmnunluğunun təmin edilməsi üçün Səhiyyə Nazirliyinin İctimai Səhiyyə və İslahatlar Mərkəzi (İSİM) bu sağlamlıq aylığı çərçivəsində dövlət tibb müəssisələrinin regionlara üz tutmuş həkim briqadalarının fəaliyyətinə müvafiq təşkilati dəstəyini göstərməkdə davam edir.

İSİM-in mütəxəssisi Aris Rüstəmov 29 mart - 1aprel 2018-ci il tarixlərdə Sumqayıt Şəhər Səhiyyə Şöbəsinə, Siyəzən, Cəlilabad, Şirvan rayon mərkəzi xəstəxanalarına ezam olundu. O, qeyd olunan regionlarda əhalinin tibbi müayinələrə cəlb olunması, müayinələrin səmərəli aparılması üçün əhali arasında onun məqsəd və vəzifələrini izah edən aidiyyəti təbliğat işləri həyata keçirdi. Bu, A.Rüstəmovun əhalinin tibbi müayinə aylığı ərzində regionlara artıq ikinci səfəri idi. O, birinci dəfə 19-25 fevral 2018-ci il tarixlərdə Gəncə və Sumqayıt şəhərlərində, Quba, Lənkəran, Sabirabad, Şəki və Şamaxı rayonlarında olmuşdu.

Qeyd edək ki, Səhiyyə Nazirliyinin “Azərbaycan Respublikası əhalisinin tibbi müayinələrdən keçirilməsi barədə” 30.01.2018-ci il tarixli sərəncamına əsasən, xəstəliklər aşkar olunduğu halda pasiyentlər yerlərdə, zərurət yarandığı halda isə Bakı şəhərində və bölgələrdə fəaliyyət göstərən ixtisaslaşdırılmış tibb müəssisələrində əlavə müayinə və müalicəyə cəlb edilirlər. Odur ki, səhhətinizə diqqətlə yanaşın, yaşayış ərazisi üzrə tibb müəssisəsinə vaxtında müraciət edin və profilaktik tibbi müayinədən keçin!