• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

15 MART 2018

Hərbi Liseydə “İkincili tütünçəkmənin insan orqanizminə mənfi təsiri” mövzusunda maarifləndirici tədbir oldu

14 mart 2018-ci il tarixdə Cəmşid Naxçıvanski adına Hərbi Liseydə tələbə və müəllim heyəti üçün “İkincili tütünçəkmənin insan orqanizminə mənfi təsiri” mövzusunda maarifləndirici tədbir keçirildi. Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) ilə Azərbaycan Respublikasının Prezidenti yanında Bilik Fondunun birgə təşkil etdiyi tədbirin əsas məqsədi əhali arasında sağlam həyat tərzinin təbliği idi.

Lisey rəisinin şəxsi heyətlə iş üzrə müavini Kamran Nəsibov tədbiri giriş sözü ilə açaraq, gənclərə zərərli vərdişlərdən uzaq olmağı tövsiyə etdi. İSİM-in həkim-mütəxəssisi Şəhla Mirzəzadə geniş təqdimatla çıxış edərək, tütün tüstüsünün zərərli təsiri barədə ətraflı məlumat verdi. O bildirdi ki, tütün çəkənlərlə yanaşı, bu zərərli vərdişin aludəsi olmayan şəxslərin ictimai məkanda, iş yerlərində, hətta evlərdə tütün tüstüsünün ziyanlı təsirinə  məruz qalması onların səhhəti üçün ciddi təhlükə mənbəyidir. İSİM-in mütəxəssisi bu baxımdan ölkəmizdə tütün məmulatlarından istifadənin məhdudlaşdırılması haqqında qəbul olunan qanunun əhalinin sağlamlığının qorunması sahəsində və ikincili tütünçəkmənin artan təhlükələrinə qarşı daha məqsədyönlü mübarizə aparılmasına şərait yaratdığını vurğuladı.

Tədbirdə həmçinin tütün tüstüsünün insan orqanizminə və ətraf mühitə zərərli təsirini əks etdirən sosial video-çarxlar nümayiş olundu.

Sonda iştirakçıları maraqlandıran suallar cavablandırıldı və onlara tütün məmulatlarından istifadənin acı nəticələri barədə İSİM tərəfindən hazırlanan maarifləndirici materiallar paylanıldı.