• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

19 FEVRAL 2018

İsmaillı məktəbliləri sağlam qidalanma vərdişlərinə yiyələndilər

16 fevral 2018-ci il tarixdə Azərbaycan Respublikası Prezidentinin yanında Bilik Fondu, Səhiyyə Nazirliyinin İctimai Səhiyyə və İslahatlar Mərkəzi (İSİM) və İsmayıllı Rayon İcra Hakimiyyətinin birgə təşkilatçılığı ilə “Sağlam qidalanma” mövzusunda maarifləndirici mühazirə keçirdi. İsmayıllı Regional Bilik Evində məktəbli auditoriyası üçün keçirilən tədbiri Bilik Fondunun İsmayıllı rayonu üzrə nümayəndəsi Elçin Məmmədov açdı. O,hər zaman sağlam qidalanmanın vacibliyini qeyd etdi. Sonra Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin səhiyyə siyasəti və islahatlar şöbəsinin həkimi Lətafət Dadaşovanın məruzəsi dinlənildi və təqdimatı izlənildi. İSİM-in əməkdaşı Lətafət Dadaşova iştirakçılara sağlam həyat tərzi sürməyin vacibliyindən, sağlam qidalanma ilə yanaşı sağlamlıq üçün fiziki aktivliyin əhəmiyyətindən, həmçinin fiziki aktivliyin də davamlı və planlaşdırılmış formada həyata keçirilməsinin zəruriliyindən bəhs etdi.

Son zamanlar digər inkişaf etmiş ölkələrdə olduğu kimi, Azərbaycanda da əhalinin yenidən emal edilmiş qida məhsullarına təlabatının artması, daha çox yüksək enerji tutumlu qida məhsullarına maraq, qida rasionunda ani dəyişikliklər edilməsi kimi faktorların xroniki qeyri-infeksion xəstəliklərin (şəkərli diabet, piylənmə, ürək-damar xəstəlikləri, yüksək qan təzyiqi və insultlar, xərçəngin bəzi növləri) yaranmasına və inkişafına səbəb olduğunu bildirən L.Dadaşova tədbir iştirakçılarını bu kimi vərdişlərdən uzaq olmağa çağırdı və sağlam qidalanma üçün zəruri məhsullar və onların gündəlik qida norması barədə məlumat verdi.

Həmçinin, mühazirənin sonunda məruzəçi Azərbaycan Respublikasının Prezidenti yanında Bilik Fondu ilə birlikdə əhalinin sağlamlığının qorunması naminə bu istiqamətdə həyata keçirilən işlər haqqında içtirakçıları məlumatlandırdı və bu kimi tibbi maarifləndirmə tədbirlərininin, mühazirələrin gələcəkdə də davam edəcəyini diqqətə çatdırdı.

Tədbirin sonunda iştirakçılara maarifləndirici bukletlər paylandı, şagirdlərin sualları cavablandırıldı.