“Fövqəladə hallarda Reproduktiv sağlamlığın qorunması” mövzusunda regionlarda seminarlar keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

25 MAY 2017

“Fövqəladə hallarda Reproduktiv sağlamlığın qorunması” mövzusunda regionlarda seminarlar keçirildi

Səhiyyə Nazirliyinin İctimai Səhiyyə və İslahatlar Mərkəzi (İSİM) 24 may 2017-ci ildə Gəncə və Göygöl, Daşkəsən və Samux Mərkəzi Rayon Xəstəxanalarının tabeliyində olan tibb müəssisələrinin müalicə işləri üzrə baş həkim müavinləri, ginekoloqlar üçün “Fövqəladə hallarda Reproduktiv sağlamlığın qorunması” mövzusunda seminar keçirdi.

Səhiyyə Nazirliyinin 2017-ci il üçün mülki müdafiə tədbirlər planına əsasən təşkil olunmuş tədbirdə İSİM-in əməkdaşları Layihələrin əlaqələndirilməsi şöbəsinin müdiri Səbinə Babazadə və Tibbi keyfiyyət standartları şöbəsinin həkim-metodisti Teymur Hüseynov çıxış etdi. BMT-nin Əhali Fondunun İSİM-lə əməkdaşlığı çərçivəsində həyata keçirilən bu tədbirdə BMT-nin Əhali Fondunun Azərbaycandakı nümayəndəliyinin sədri Fərid Babayev, Daxili İşlər Nazirliyinin və Fövqəladə Hallar Nazirliyinin əməkdaşları də iştirak etdi.

Toplanan auditoriya qarşısında çıxış edən İSİM-in nümayəndələri görüşün məqsədini açıqladı,  fövqəladə hallarda zərərçəkən əhalinin reproduktiv sağlamlığının təmin olunması və qorunması üçün Minimal Paket Xidmətlərinin (MİXP) göstərilməsibarədə görüş iştirakçılarına məlumat verdilər. 

Tədbirdə çıxış edən Səbinə Babazadə bildirdi ki, fövqəladə halların kritik mərhələsində zərər çəkmiş insanlar arasında reproduktiv sağlamlıqla əlaqədar problemlərin təcili həlli üçün tibb müəssisələrinin əməkdaşlarının məlumatlıq səviyyələri zəruri olaraq artırılmalıdır. O, həmçinin minimal ilkin xidmətlərdə qida, su və sığınacağın prioritet olması ilə yanaşı, zərərçəkənlərin  rifahının və ləyaqətinin təmin edilməsindən danışdı.

Tədbirdə ölkəmizdə fövqəladə hallarda əhalinin reproduktiv sağlamlığının qorunması sahəsində mövcud olan hazırlıq, bu hazırlığın yüksək səviyyədə saxlanılması və lazım gəldikdə reallaşdırılması üçün nazirliklər/idarələrarası inteqrasiyanın vacibliyindən söhbət açıldı. Mümkün fövqəladə hallarda Səhiyyə Nazirliyi və digər nazirliklərin aidiyyəti qurumları ilə əlaqəli işin daha yaxşı qurulmasına nail olmaq üçün mövzu haqda məlumatlı olmanın vacibliyi vurğulandı.

Görüş zamanı fövqəladə vəziyyətə düşmüş insanlara humanitar xidməti göstərən və təşkil edən əməkdaşlar arasında cinsi zorakılığın və kobud hərəkətlərin istisna edilməsi məqsədi ilə təklif olunan etik qaydalar  da  müzakirə olundu.