Yenidoğulmuşların skrininqi üzrə dəyirmi masa keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

23 MAY 2017

Yenidoğulmuşların skrininqi üzrə dəyirmi masa keçirildi

22 may 2017-ci ildə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzində (İSİM) “Nadir rast gəlinən xəstəliklərin aşkarlanması üçün yenidoğulmuşların skrininqi” mövzusunda dəyirmi masa təşkil olundu. Tədbirdə Səhiyyə Nazirliyinin Elmi-Tədqiqat Mamalıq və Ginekologiya İnstitutu, Respublika Perinatal Mərkəzi, K. Fərəcova adına Elmi-Tədqiqat Pediatriya İnstitutu, Əziz Əliyev adına Azərbaycan Dövlət Həkimləri Təkmilləşdirmə İnstitutu və Azərbaycan Tibb Universitetinin Neonatologiya və uşaq xəstəlikləri şöbələrinin nümayəndələri, həmçinin TAİEX ekspertləri – Finlandiyadan cənab  Risto Lapatto və İtaliyadan xanım Domenica Taruscio iştirak edirdilər.

İSİM-in direktoru Ceyhun Məmmədov iştirakçıları salamlayaraq, yenidoğulmuşlarda aşkarlanan genetik xəstəliklərlə əlaqədar erkən diaqnoz qoyulmasının əhəmiyyətindən və bu istiqamətdə Azərbaycanda görülən işlərdən söz açdı. Səhiyyə Nazirliyinin baş pediatrı Nəsib Quliyev və baş neonatoloq Rüstəm Hüseynov Azərbaycanda yenidoğulmuşlarda maddələr mübadiləsinin anadangəlmə pozğunluqları, endokrin və digər genetik pozğunluqlar da daxil olmaqla nadir rast gəlinən xəstəliklərin hazırki vəziyyəti haqqında qısa məlumat verdilər. TAİEX-in ekspertləri Dr. Domenica Taruscio və Dr. Risto Lapatto yenidoğulmuşların skrininqi ilə əlaqədar əldə etdikləri təcrübələrdən danışdılar.  

İSİM-də həmçinin mövzu ilə bağlı beş gün davam edəcək seminarlara start verildi. Bu gün keçirilən ilk seminarda TAİEX-in ekspertləri Avropa Birliyi ölkələrində nadir xəstəliklər üzrə Milli Planın və ya Yenidoğulmuşların skrininq proqramının inkişaf yolları və yenidoğulmuşların skrininqi ilə bağlı dünyadakı vəziyyət haqqında təqdimatla çıxış etdilər.

Xatırladaq ki, tədbir Avropa Komissiyasının Genişlənmə üzrə Baş Direktorluğunun İnstitusional Quruculuq Bölməsi tərəfindən idarə olunan Texniki Yardım və İnformasiya Mübadiləsi institusional quruculuq aləti – TAİEX Expert Missiyası ilə Səhiyyə Nazirliyinin əməkdaşlığı çərçivəsində həyata keçirilir. Tədbirin  təşkilində əsas məqsəd – nadir xəstəliklər (xüsusilə,  maddələr mübadiləsinin anadangəlmə pozğunluqları, endokrin və digər genetik pozğunluqlar) üzrə yeni doğulmuşların skrininqinə dair milli strategiyanın təkmilləşdirilməsində Azərbaycan Respublikası Səhiyyə Nazirliyinə TAİEX mütəxəssislərinin yardımçı olmasıdır.