• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

4 MAY 2017

İSİM-in nümayəndəsi palliativ qulluq və xospisə həsr olunmuş Beynəlxalq Səhiyyə Siyasəti Forumunda iştirak edir

Amerika Birləşmiş Ştatlarının “Last Mile4D” qurumu, Milli və Beynəlxalq Səhiyyə Hüququ üzrə “O’Neill” İnstitutu və Gürcüstanın Cərrahi Onkologiya Cəmiyyətinin təşkilatçılığı ilə 4-6 may 2017-ci ildə Gürcüstanın Tiflis şəhərində  Beynəlxalq Səhiyyə Siyasəti Forumu keçirilir. Forumda Azərbaycan, Türkiyə, Gürcüstan, İran, Ermənistan və ABŞ-dan olan mütəxəssislər, onkoloji xəstələrə qayğı göstərən sosial işçilər iştirak edirlər. Forumun təşkilində əsas məqsəd – palliativ və hospis yardımına ehtiyacı olan xəstələrə daha təkminləşdirilmiş tibbi, sosial, psixoloji köməyin göstərilməsi üçün müvafiq təşkilatlarda çalışan mütəxəssislərin bilik və bacarıqlarının artırılmasıdır. Bu sahədə çalışan mütəxəssislər bir araya gələrək, öz təcrübələrini bölüşməklə yanaşı, ən yaxşı metodları müəyyənləşdirmək, eyni zamanda bu sahədə qanunvericilik bazasını və normativ hüquq aktlarını inkişaf etdirmək istiqamətində müzakirələr keçirir, fikir mübadiləsi aparırlar. Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə siyasəti və islahatlar şöbəsinin müdir əvəzləyicisi  Nabil Seyidov da forumda təmsil olunur. İSİM-in nümayəndəsi N. Seyidov Azərbaycanda bu sahədə görülən işlər, planlar, prespektivlər, eləcə də 2016-ci ilin sonunda palliativ qayğı xidmətlərinə olan ehtiyacların dəyərləndirilməsi və resusların xəritələşdirilməsi ilə bağlı keçirilmiş sorğunun ilkin nəticələrinə dair təqdimatla çıxış edəcək.