• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

21 APREL 2017

Tütünlə mübarizəyə həsr olunmuş beynəlxalq tədbirdə Azərbaycan Respublikası Səhiyyə Nazirliyini İSİM-in direktoru Ceyhun Məmmədov təmsil etdi

2017-ci il aprelin 17-21 tarixində Amerika Birləşmiş Ştatlarının Vaşinqton şəhərində  “Tütünlə mübarizə və tütünə qarşı  vergilərin müəyyən olunması” üzrə tədbir keçirildi. Dünya Bankının Tütünə Nəzarət sektorunun Ümumdünya Səhiyyə Təşkilatı ilə birgə keçirdiyi tədbirin əsas məqsədi tütün istifadəsini azaltmaq və milli səviyyədə tütün məmulatlarına tətbiq olunan vergi siyasəti haqda təcrübə mübadiləsinin aparılmasını təmin etmək idi. İştirakçı ölkələr sırasında Azərbaycan, Belarus, Brazilya, Çin, Bosniya Hersoqovina, Kolumbiya, Efiopiya, Qabon, Hindistan, İndonesiya, Qazaxıstan, Meksika, Moldova, Monteneqro, Myanma, Cənubi Afrika, Botsvana, Pakistan, Rusiya, Vyetnam, Türkiyə, Ukrayna, Özbəkistan və  başqaları   təmsil olunurdu. Tədbirə həmçinin Qərbi Afrika İqtisadi və Valyuta Birliyi, Karib İqtisadi Birliyi və Avropa Birliyi kimi məşhur təşkilatların təmsilçiləri  də qatılmışdı.

Dünyanın 35-dən çox ölkəsinin  maliyyə və səhiyyə üzrə  rəsmi nümayəndəsinin  qatıldığı bu tədbirdə Azərbaycan Respublikası Səhiyyə Nazirliyini İctimai Səhiyyə və İslahatlar Mərkəzinin direktoru Ceyhun Məmmədov təmsil etdi. 

Tədbir çərçivəsində keçirilən sessiyalarda tütünün bütün ölkələrin səhiyyəsinə və iqtisadiyyatına təsiri ilə bağlı məlumatlar açıqlandı, siqaretin səbəb olduğu xəstəliklərə ayrılan səhiyyə xərclərinin ildən-ilə artırıldığı bildirildi. Qeyd olundu ki, tütünlə bağlı verginin tətbiq olunması onun istehlakını azaltmağın ən yaxşı yollarından biridir. Tədbirdə iştirak edən ölkələrin nümayəndələrinin diqqətinə çatdırıldı  ki, tütünlə bağlı vergilərin artırılması, eyni zamanda hər bir ölkə üçün vergi bazasının artmağına və inkişaf prioritetlərini maliyyələşdirmək üçün lazımi vəsaitin əldə olunmasına kömək edə bilər.