6 НОЯБРЯ 2020

İSİM-in mütəxəssisisi “Gəncliyimizi narkomaniyadan qoruyaq!” mövzusunda onlayn təlimdə çıxış etdi

6 noyabr 2020-ci il tarixdə “Gəncliyimizi narkomaniyadan qoruyaq!” mövzusunda onlayn təlim keçirildi.

Təhsil Nazirliyi Respublika Uşaq-Gənclər İnkişaf Mərkəzinin təşkilatçılığı, Daxili İşlər Nazirliyi Bakı Şəhər Baş Polis İdarəsinin, Bakı Şəhəri Narkoloji  Dispanserin birgə əməkdaşlığı ilə keçirilən təlimdə ölkəmizin şəhər və rayonlarında fəaliyyət göstərən uşaq-gənclər inkişaf mərkəzlərinin mütəxəssisləri, əməkdaşları iştirak etdilər. Təlimin əsas məqsədi narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizə istiqamətində peşəkarlıq səviyyəsinin artırılması idi.  

Səhiyyə Nazirliyi İctimai Səhiyyə və İslahatlar Mərkəzinin (İSİM) Layihələrin əlaqələndirilməsi şöbəsinin müdir müavini Ülkər Camalova təlimdə  çıxış edərək, narkotik vasitələrin insanların sağlamlığına vurduğu zərərlərin acı fəsadlarından danışdı. O, narkomaniyaya qarşı mübarizə üsullarından söz açaraq vurğuladı ki, yeniyetmə və gənclər arasında maarifləndirmə işlərinin genişləndirilməsi bu istiqamətdə prioritet məsələdir.

Çıxışlarda bildirildi ki, narkomaniyaya qarşı müvafiq qurumlar, eyni zamanda cəmiyyətin bütün üzvləri tərəfindən birgə mübarizə aparılmalı, yeniyetmə və gənclər arasında keçirilən maarifləndirmə tədbirləri daimi xarakter almalıdır.

Şəkillərlə burada tanış olmaq olar.