• Diqqət! Tütündən imtina üzrə “Qaynar xətt” fəaliyyət göstərir
  • Fiziki aktiv ol!
  • Roundtable on "Make every day No-Tobacco Day" held with participation of art figures and mass media representatives
  • Sağlam həyat tərzi seç!
  • PHRC representatives take part at WHO European High-level Conference in Turkmenistan
  • Azerbaijan hosts round table devoted to the importance of public-private partnership within the frame of tobacco control
  • New website - www.ebmg.az (Evidence-Based Medicine Guidelines) launched
  • Scientific-practical seminar on “Multidisciplinary approaches to managing hemophilia” held at PHRC
  • PHRC, REC and Italian Barometer Diabetes Observatory Foundation sign tripartite cooperation agreement
  • İSİM işə qəbul elan edir. Vakansiyalarla burada tanış ola bilərsiniz!

PRESS PRESS ARCHIVE

PRESS / 5 OCTOBER 2019

www.azertag.az

Moskvada “Sağlamlığı təşviq edən məktəblər” layihəsi üzrə illik seminar-toplantı keçirilib

Rusiyanın paytaxtı Moskvada “Sağlamlığı təşviq edən məktəblər (SHE)” layihəsi üzrə Şərqi Avropa və Mərkəzi Asiya ölkələrinin milli koordinatorlarının illik seminar-toplantısı keçirilib.

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin (İSİM) səhiyyə kommunikasiyası şöbəsindən AZƏRTAC-a bildirilib ki, Dünya Səhiyyə Təşkilatının (DST) Avropa üzrə Regional Ofisi və Rusiya Federasiyasının birgə təşkilatçılığı ilə keçirilən görüşlərin əsas məqsədi “Sağlamlığı təşviq edən məktəblər (SHE)” layihəsinin milli koordinatorlarının fəaliyyətinə dəstək olunması idi. İkigünlük seminarda İSİM-in layihələrin əlaqələndirilməsi şöbəsinin müdiri Səbinə Babazadə də iştirak edib.

Görüşlərdə 2019-2020-ci illər üçün Şərqi Avropa və Mərkəzi Asiya ölkələri üçün SHE layihəsi üzrə birgə iş planı nəzərdən keçirilib, məktəblərdə sağlam mühitin və rifahın yaradılması istiqamətində görülən işlərin nəticələri müzakirə edilib, əldə olunan nailiyyətlər diqqətə çatdırılıb, təcrübələr bölüşülüb. Seminarda milli koordinatorlar təqdimatla çıxış edərək, ölkə üzrə “Sağlamlığı təşviq edən məktəblər” şəbəkəsinə daxil olan məktəblərdə görülən işlər və əldə olunan nəticələr ilə bağlı iştirakçılara ətraflı məlumat veriblər. Sonda milli koordinatorlarla fərdi görüşlər, müzakirələr keçirilib, perspektivlər barədə fikir mübadiləsi aparılıb.

Xatırladaq ki, DST tərəfindən dəstəklənən “Sağlamlığı təşviq edən məktəblər” şəbəkəsi Avropanın 45 ölkəsində səhiyyə və təhsil sahəsinin inkişaf siyasətində ayrılmaz hissəyə çevrilib. Azərbaycan 2017-ci ildən bu şəbəkənin üzvüdür. Şəbəkənin əsas məqsədi – məktəblərdə sağlamlığın təbliğini, şagirdlərin normal fiziki inkişafının təmin olunmasını, uşaqların sağlamlığının qorunmasını təşviq etməkdir.

https://azertag.az/xeber/Moskvada_Saglamligi_tesviq_eden_mektebler_layihesi_uzre_illik_seminar_toplanti_kechirilib-1338805