• Azərbaycanda XIX Beynəlxalq Gənclər Forumu keçirilir
  • Roundtable on "Make every day No-Tobacco Day" held with participation of art figures and mass media representatives
  • PHRC representatives take part at WHO European High-level Conference in Turkmenistan
  • Azerbaijan hosts round table devoted to the importance of public-private partnership within the frame of tobacco control
  • PHRC hosts roundtable devoted to the presentation of mobile app “Tütündən imtina et” (Give up smoking) and improvement tobacco control legislation in Azerbaijan
  • PHRC hosts training on “Management of health-care system reforms. Health Economics”
  • New website - www.ebmg.az (Evidence-Based Medicine Guidelines) launched
  • Scientific-practical seminar on “Multidisciplinary approaches to managing hemophilia” held at PHRC
  • PHRC, REC and Italian Barometer Diabetes Observatory Foundation sign tripartite cooperation agreement
  • Evidence-based medicine guidelines to be translated into Azerbaijani

NEWS all news

22 AUGUST 2019

Azərbaycanda XIX Beynəlxalq Gənclər Forumu keçirilir

Azərbaycan Respublikası Səhiyyə Nazirliyi, Gənclər və İdman Nazirliyi, Azərbaycan Respublikası Prezidenti Yanında Qeyri-Hökumət Təşkilatlarına Dövlət Dəstəyi Şurası, Azərbaycan Respublikasının Gənclər Fondu, Səhiyyə Nazirliyinin İctimai Səhiyyə və İslahatlar Mərkəzi, Səhiyyə Nazirliyinin B.Ə.Eyvazov adına Elmi-Tədqiqat Hematologiya və Transfuziologiya İnstitutunun nəzdində Mərkəzi Qan Bankı və “Qan Donorları Assosiasiyası” İctimai Birliyinin birgə təşkilatçılığı ilə 21-25 avqust 2019-cu il tarixdə gənclər üçün XIX Beynəlxalq Gənclər Forumu keçirilir. Forumun əsas məqsədi Azərbaycanda könüllü, təmənnasız qan donorluğunun inkişafına dəstək vermək, gəncləri bu humanist, xeyirxah işə həvəsləndirməkdir.

Forumda 30-dan çox ölkədən (Danimarka, İtaliya, Portuqaliya, Litva, Latviya, Estoniya, Hollandiya, Norveç, İsveç, İslandiya, Almaniya, Mərakeş, Livan, Misir, Türkiyə və s.) nümayəndələr, o cümlədən Beynəlxalq Qan Donorları Cəmiyyətləri Federasiyasının (FİODS), Beynəlxalq Gənclər Komitəsinin (İYC) rəhbər şəxsləri iştirak edirlər.

Avqustun 22-də Bakı Konqres Mərkəzində Forumun açılışı oldu.

Azərbaycan Respublikası Səhiyyə nazirinin müavini Elsevər Ağayev giriş sözü ilə çıxış edərək bildirdi ki, cəmiyyətdə, xüsusən gənclər arasında könüllü, təmənnasız qan donorluğunu təbliğ və təşviq etmək olduqca nəcib, humanist bir addımdır: “Hazırkı dövrə qədər Azərbaycan Respublikasında donor qanının və onun komponentlərinin təmin edilməsi üzrə milli siyasətin əsas prinsipləri formalaşdırılıb. Bura donorluğun dəstəklənməsi, qan komponentlərinin hazırlanması və köçürülməsi barədə qanunvericilik bazası, onların təhlükəsiz istifadəsinin təminatına dair hüquqi normativ sənədlərin işlənib hazırlanması,  keçici infeksiyalar ilə yoluxma riski aşağı olan əhali qrupları əsasında donor kadrları bazasının yaradılması, müasir analiz metodlarından istifadə etməklə qanın tərkibində olan və qan vasitəsilə keçən infeksiya daşıyıcılarının marker əsasında müayinə edilməsi kimi məsələlər daxildir”.

Gənclər və idman nazirinin müavini Fərhad Hacıyev, Azərbaycan Respublikasının Gənclər Fondunun icraçı direktoru Fərid Cəfərov, BMT-nin Azərbaycan nümayəndəliyinin rezident əlaqələndiricisi Qulam İsakzai, Beynəlxalq Qan Donorları Cəmiyyətləri Federasiyasının icraçı direktoru Sayah Abdelmalik və Beynəlxalq Gənclər Komitəsinin sədri Abdo Saad iştirakçılara uğurlar arzulayaraq, Bakı Forumunun dünyada könüllü qan donorluğunun inkişafına öz töhfəsini verəcəyinə əminliklərini vurğuladılar.

Səhiyyə Nazirliyinin Baş hematoloqu Çingiz Əsədov “Qan donorluğunun inkişafı sahəsində Azərbaycan təcrübəsi”, Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Səbinə Babazadə “Qan donorluğu ictimai səhiyyənin əsas istiqaməti kimi”, “Qan Donorları Assosiasiyası” İctimai Birliyinin sədri Fuad Əsgərov “Qan donorluğunun inkişafında könüllülüyün rolu” mövzusunda geniş təqdimatla çıxış etdilər. Çıxışlarda bildirildi ki, ölkəmizdə son illər qan xidməti və donorluq sahəsində mühüm addımlar atılıb, qan xidməti müəssisələrinin şəbəkəsi optimallaşdırılıb və fəaliyyəti təkmilləşdirilib, qan xidməti müəssisələri ən müasir avadanlıqlarla təmin edilib, əhali, xüsusən gənclər arasında donorluğun təbliği sahəsində müasir üsüllardan istifadə edilməklə müxtəlif tədbirlər həyata keçirilib.

Yekunda Forumda iştirak edən ölkə nümayəndələrinin təqdimatları oldu və könüllü donorluğun inlişafına töhfə verənlərə Təşəkkürnamələr təqdim edildi.

Şəkillərlə burada tanış olmaq olar.