• İSİM-də “Məktəb yaşlı uşaqların sağlam davranışlarına dair sorğu” üzrə seminar keçirildi (FOTO)
  • “Sağlamlığı təşviq edən Məktəblər” şəbəkəsinin tətbiqinə dair seminarlara başlandı (FOTO)
  • İSİM-də Əziz Əliyevin 120 illik yubileyinə həsr olunmuş tədbir keçirildi
  • İSİM-də şagirdlərə sağlam qidalanma vərdişlərinin aşılanmasına dair tədbir keçirildi (FOTO)
  • Gəncə məktəbliləri İSİM-in Sağlam Qidalanma Forumuna qatıldılar (FOTO)
  • İSİM-in “Tütünsüz dünya yarat” aksiyası keçirildi (FOTO)

İcra edİlmİş layİhələr bütün layİhələr

Azərbaycanda keçirilmiş Demoqrafiya və Sağlamlıq Sorğularının nəticələrinə əsasən qeyri-infeksion xəstəliklərin bəzi risk amillərinin qadınlar arasında yayılması tendensiyalarının təhlili YENİLƏNİB: 27 FEVRAL 2015

Müasir dövrdə qlobal epidemioloji vəziyyətə nəzər saldıqda xəstəliklərin əsas yükünün qeyri-infeksion xəstəliklərin üzərinə düşməsi müşahidə olunur ki, bu da qlobal inkişafın əsas problemlərindən birinə çevrilib. Xronik qeyri-infeksion xəstəliklərə əsasən ürək-damar sisteminin xəstəlikləri, xronik respirator xəstəliklər, yenitörəmələr və şəkərli diabet daxildir. Ümumdünya Səhiyyə Təşkilatının (ÜST) məlumatlarına əsasən Azərbaycanda bu xəstəliklərin əsas üç risk amilini qeyri-sağlam qidalanma, yüksək qan təzyiqi və yüksək bədən-kütlə indeksi təşkil edir.

ÜST-nin ölkə üzrə ofisinin texniki dəstəyi ilə həyata keçirilmiş hazırkı layihənin məqsədi Azərbaycanda qadınlar arasında qeyri-infeksion xəstəliklərin geniş yayılmış risk faktorları olan artıq çəki və yüksək qan təzyiqinin 2006-cı və 2011-ci illərdə keçirilmiş Demoqrafiya və Sağlamlıq sorğuları zamanı əldə olunmuş göstəricilərinin təhlili və onların qadınların sosial-iqtisadi xüsusiyyətləri və ölkədə baş verən proseslər, o cümlədən səhiyyə sistemində həyata keçirilən tədbirlər və islahatlarla əlaqəsinin araşdırılmasıdır.

Layihə 2014-cü ilin sentyabrında başlamış və 2015-ci ilin yanvar ayında başa çatmışdır. Onun həyata keçirilməsi məqsədilə İctimai Səhiyyə və İslahatlar Mərkəzində (İSİM) bir neçə mütəxəssisdən ibarət komanda yaradılmışdı. ÜST-nin dəstəyi ilə həyata keçirilən bu tədqiqatda AzDSS-2006 və DSS-2011-in məlumat bazalarından və Dövlət Statistika Komitəsinin məlumatlarından istifadə olunmuşdur. Tədqiqat çərçivəsində artıq bədən çəkisi və yüksək qan təzyiqi göstəricilərində ölkə və regional səviyyədə olan xüsusiyyətlər və tendensiyalar təhlil edilmişdir. Bu tendensiyaların qadınların sosial-iqtisadi xüsusiyyətləri (yaş qrupları, təhsil səviyyəsi, rifah, KİV-dən istifadə) və həmin xüsusiyyətlərdə baş verən dəyişikliklər ilə əlaqəsi araşdırılmışdır.

Layihənin sonu olaraq İSİM-də təşkil olunan dəyirmi masa zamanı tədqiqatın yekun hesabatı üzrə təqdimat keçirilmişdir.

LAYİHƏ ÜZRƏ MƏSULİYYƏTLİ ŞƏXS: Töhfə Cəmilova

ƏLAQƏ: tohfa.jamilova@isim.az