• İSİM-də “Məktəb yaşlı uşaqların sağlam davranışlarına dair sorğu” üzrə seminar keçirildi (FOTO)
  • “Sağlamlığı təşviq edən Məktəblər” şəbəkəsinin tətbiqinə dair seminarlara başlandı (FOTO)
  • İSİM-də Əziz Əliyevin 120 illik yubileyinə həsr olunmuş tədbir keçirildi
  • İSİM-də şagirdlərə sağlam qidalanma vərdişlərinin aşılanmasına dair tədbir keçirildi (FOTO)
  • Gəncə məktəbliləri İSİM-in Sağlam Qidalanma Forumuna qatıldılar (FOTO)
  • İSİM-in “Tütünsüz dünya yarat” aksiyası keçirildi (FOTO)

XƏBƏRLƏR bütün xəbərlər

29 SENTYABR 2016

İSİM-in əməkdaşları Moskvada keçirilən "Qeyri-infeksion xəstəliklər üzrə kompleks müşahidələr" adlı təlimdə iştirak etdilər

26-27 sentyabr 2016-cı il tarixində Rusiya Federasiyanın paytaxtı Moskva şəhərində "Qeyri-infeksion xəstəliklər üzrə kompleks müşahidələr" adlı təlim keçirildi. Ümumdünya Səhiyyə Təşkilatının (ÜST) Avropa Regional Bürosunun və QİX-in inteqrasiya olunmuş epidemioloji nəzarət üzrə siyasət Akademiyasının (CİNDİ) təşkilatçılığı ilə həyata keçirilən bu təlimdə Azərbaycanı Səhiyyə Nazirliyi İctimai Səhiyyə və İslahatlar Mərkəzinin (İSİM) Monitorinq və Təhlil şöbəsinin  müdiri Qəhrəman Haqverdiyev və həmin şöbənin meneceri Samir Mehdiyev təmsil etdilər.

İki gün davam edən təlimdə iştirakçılara qeyri-infeksion xəstəliklərə (QİX) nəzarət və kompleks tədbirlərin görülməsində ölkələr arasında geniş miqyaslı əməkdaşlığın yaradılmasının vacibliyi vurğulandı. Gündən-günə artan QİX-in yükü artıq bütün dünya ölkələrində dövlət siyasətinin əsas yükünə çevrildiyi bir vaxtda, QİX-ə səbəb olan risk amillərinə qarşı mübarizə aparmaq üçün bütün dünya ölkələrinin birgə əməkdaşlığının zəruriliyi qeyd olundu.

Təlim zamanı QİX-in profilaktikası və nəzarəti sahəsində əldə olunan nailiyyətlərdən gələcəkdə strateji qərarların qəbul olunmasında, bu sahədə aparılan tədqiqatların düzgün istifadə mexanizmlərinin yaradılması, xəstəliklərin hərtərəfli və dəqiq analizi və  ölüm saylarının müəyyənləşdirməkdə tətbiqi metodikaları müzakirə olundu.

Tədbir zamanı iştirak edən ölkələrin səhiyyə qurumlarının nümayəndələri, ÜST-nin əməkdaşları QİX-ə dair inteqrasiya olunmuş monitorinq sistemlərinin və QİX üzrə epidemioloji nəzarətin gücləndirilməsi müzakirəsini apardılar, iştirakçılarla ölkələrdə bu istiqamətlərdə əldə edilmiş təcrübələrini bölüşdülər.