Səhiyyə Nazirliyinin İctimai Səhiyyə və İslahatlar Mərkəzində Ümummilli lider Heydər Əliyevin xatirəsi anılıb | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

10 MAY 2016

Səhiyyə Nazirliyinin İctimai Səhiyyə və İslahatlar Mərkəzində Ümummilli lider Heydər Əliyevin xatirəsi anılıb

2016-cı il mayın 10-da Səhiyyə Nazirliyinin İctimai Səhiyyə və İslahatlar Mərkəzində (İSİM) Ümummilli lider Heydər Əliyevin anadan olmasının 93-cü ildönümü münasibətilə tədbir keçirildi. Tədbirdə İSİM-in tibb işçiləri və mütəxəssisləri iştirak etdilər.

İSİM-in direktoru Ceyhun Məmmədov giriş sözü ilə çıxış edərək müasir Azərbaycanın banisi Heydər Əliyevin öz xalqına, millətinə təmənnasız xidmətləri ilə yaddaşlara əbədi həkk olunduğunu bildirdi: “Azərbaycan tarixinin taleyüklü hadisələrlə dolu otuz ildən artıq bir dövrü Heydər Əliyevin adı ilə bağlıdır.   Ölkəmizdə müstəqil dövlət təsisatlarının yaradılması, demokratik, hüquqi dövlət qurulması, suveren Azərbaycanın Konstitusiyasının qəbul edilməsi, vətəndaş cəmiyyətinin formalaşdırılması, milli təhlükəsizliyin təmin olunması və yeni iqtisadi kursun müəyyənləşdirilməsi məhz Heydər Əliyevin müstəsna xidmətləridir."

Ümummilli liderimizin həyat və fəaliyyət yollarına nəzər salan YAP-ın İSİM bölməsinin sədri Yeganə Vəliyeva görkəmli dövlət xadimi Heydər Əliyevin möhtəşəm fəaliyyətinin, onun mükəmməl konsepsiyaları və müdrik ideyalarının Vətənə, xalqa xidmətin misilsiz nümunəsi olduğunu nəzərə çatdırdı. Məruzəçi Ulu öndərin gənclərin vətənpərvərlik ruhunda böyüməsi və inkişafı məsələlərinə xüsusi diqqət ayırdığını, Azərbaycanın gələcəyinin bütövlükdə sağlam düşüncəli gənclərdən asılı olduğunu dəfələrlə vurğuladığını bildirdi.

“Heydər Əliyev və Azərbaycanda qadın siyasəti” mövzusunda İSİM-in Təlim-resurs şöbəsinin müdir müavini Nahidə Mahmudova çıxış etdi. Ulu öndərin Azərbaycan qadınının cəmiyyətdəki fəallığının artırılması istiqamətindəki fəaliyyətinə diqqəti çəkən məruzəçi bununla da Azərbaycanın qadın hərəkatında yeni mərhələ, nəzərəçarpacaq yüksəliş, fəallıq və təşkilatlanma mərhələsinin başlanıldığını diqqətə çatdırdı: “Hazırda Azərbaycan qadınlarının müstəqil Azərbaycan dövlətinin ictimai-siyasi həyatında getdikcə artan rolu və mövqeyi bizim milli dövlətçilik tariximizin ən böyük uğurlarındandır. Bu uğurlar bir tərəfdən Azərbaycanda qadın fəallığı sahəsində çoxəsrlik tarixə söykənən zəngin ənənələr, digər tərəfdən isə ölkə rəhbərliyinin həyata keçirdiyi strateji inkişaf xəttində qadın siyasəti ilə bağlı seçilmiş prioritetlər üzərində qərar tutur.”

Tədbirin sonunda İSİM-in direktoru vurğuladı ki, Azərbaycan bu gün müstəqillik yolu ilə inamla addımlayır. Ümummilli lider Heydər Əliyevin layiqli siyasi davamçısı İlham Əliyevin rəhbərliyi altında Azərbaycanda bütün sahələrdə dinamik inkişaf müşahidə olunur və böyük nailiyyətlər əldə olunub. Yekunda direktor Prezidentin sözlərini vurğulayaraq dedi ki, biz Heydər Əliyevin yolu ilə gedirik və hamını bu yolda Heydər Əliyev siyasətinə sadiq qalmağa çağırdı.