Fövqəladə Hallar Nazirliyinin Akademiyasının kursantları zərərli vərdişlərin sağlamlığa təsiri ilə bağlı məlumatlandırıldılar | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

4 MART 2016

Fövqəladə Hallar Nazirliyinin Akademiyasının kursantları zərərli vərdişlərin sağlamlığa təsiri ilə bağlı məlumatlandırıldılar

2016-cı il martın 4-də Fövqəladə Hallar Nazirliyinin Akademiyasında narkomaniyanın və tütünçəkmənin profilaktikası ilə bağlı keçirilən tədbirdə Səhiyyə Nazirliyinin İctimai Səhiyyə və İslahatlar Mərkəzinin (İSİM) həkim-metodistləri Rüfət Rəhimov və Qadir Qurbanov təqdimat etdilər.

Təqdimatda narkomaniyanın və tütünçəkmənin insan sağlamlığına ziyanları, təhlükələri və bu zərərli vərdişlər nəticəsində yaranan xəstəliklər barədə məlumat verildi. Həmçinin tütünçəkmə və narkomaniya ilə mübarizə istiqamətlərinə nəzər yetirildi. Zərərli vərdişlərin profilaktikası məqsədilə təqdimatların, mədəni-kütləvi aksiya və təşviqat kampaniyalarının keçirilməsinin, bununla da sağlam həyat tərzinin təbliğ edilməsinin vacibliyi vurğulandı.

Maarifləndirici məqsəd daşıyan və interaktivlik əsasında qurulan təqdimatlarda kursantların sualları ətrafında fikir mübadiləsi aparıldı. Sonda narkomaniyanın, tütünçəkmənin və digər sosial neqativ halların profilaktikası, eləcə də insanın öz sağlamlığına qarşı məsuliyyət hissinin gücləndirilməsini özündə əks etdirən videoçarx nümayiş etdirildi.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planına uyğun olaraq keçirilən tədbirdə İSİM tərəfindən hazırlanmış maarifləndirmə materialları paylanıldı.